నమ్మితే నమ్మండి లేకపోతే లేదు!

ఈ దిక్కుమాలిన దేశానికి వచ్చి చాలా రోజులు అయ్యింది. ఎన్నో తెల్లతోళ్ళతొ పనిచెయ్యటం జరిగింది. నా పేరుని మటుకు ఖూనీ చెయ్యని ము.కొ ఒక్కడు కూడా కనపడలేదు ఈ తోలు మందం వెధవల్లో. ఒకడు "ట్యాగా" అని, ఇంకొకడు "టై ఆగా" అని, ఇంకొకడు వెరైటీగా ఉంటుంది అని "టై" అని, నోరు తిరగని బండ నాలికెట్టుకుని, దానికి తోడు ఏడాదికేడాది పళ్ళు కూడా తోమకుండా లిస్టరీన్ తో నోరు పుక్కిలించి దగ్గరికెళితే ఎలకల వాసన కొట్టకుండా అత్తర్లు పూసుకుని, లోపల మన దేశీగాళ్ళని బండ బూతులు తిట్టుకుంటూ పైకి మటుకు "నువ్వు సూపరు, నిన్ను మించినవాడు లేడు ట్యాగా" అనే వాళ్ళెంతమందో మధ్య మెసలటం అయ్యింది.సరే ఇలా ఉందా అని సౌత్ కారోలీనాలో ఉన్నప్పుడు ఒక చిన్న కంపినీలో పని చేసే రోజుల్లో, ఎవరు నా పేరుని ఖూనీ చేసారో వాళ్ళ పేర్లు నేను కూడా ఖూనీ చెయ్యటం మొదలుపెట్టా....చేరిన కొన్ని రోజులకి కాకుండా, అంటే వాళ్ళకి అనుమానం రాకుండా మొదటిరోజునుండే ఈ యుద్ధం మొదలు పెట్టా...

ఇది నిజమయిన సంఘటన - నమ్మితే నమ్మండి లేకపోతే లేదు..

వాళ్ళని ఇలా పిలిచేవాడిని - ఇవి అన్నీ నిజమయిన మనుషుల పేర్లు, నాతో పని చేసిన దరిద్రుల పేర్లు

పాల్ - పవుల్, పాలు
బేలా - బెల్లాహ్
జేమ్స్ - జమెస్
జాన్ - జోహన్
కోలింగ్ - కాల్లింగ్
పీటర్ - పీతర్

ఇలా ఒక ప్రహసనం లాగించా అన్న మాట. ఇది తలచుకున్నప్పుడల్లా నవ్వుకుంటూ ఉంటాను.

ఇక ఆ ఉద్యోగం ఎన్ని రోజులు వెలగబెట్టానో చెప్పాలి అనుకుంటా మీకు..సరిగ్గా నూటా ఎనభై రోజులు.. నా హింసకి తట్టుకోలేక చివరికి నా పేరుని, నన్ను "రాజా" లోకి దించారు...